جمهورية الهند 

 

‏هى بلد فى جنوب اسيا, بتحتل معظم أراضى شبهد القارة الهندية. الهند لها سواحل طولها أكثر من 700 كلم. البلاد اللى جنب الهند هى باكستان وأفغانستان فى ناحية الشمال الغربى, الصين, نيبال, وبوتان من الشمال, بنجلاديش و ميانمار من الشرق. فى المحيط الهندى, بتحاذيها جزر المالديف من الجنوب الغربى و سريلانكا و اندونسيا من الجنوب الشرقى. الهند هى تانى أكبر بلد فى العالم من حيث تعداد السكان, النهارده عدد سكانها بيزيد على مليار ومية مليون نسمه حسب اللى بتقوله موسوعة إنكارتا 2007. و من حيث المساحه الهند فى المرتبة السابعه على مستوى العالم.

الهند كان فيها حضارات قديمه, و كانت مركز لكتير من الطرق التجارية المهمه على مر التاريخ, و كمان قامت على ارضها شوية ديانات زى: الهندوسية, البوذية, الجانية والسيخية. الهند كات زمان ايام الإستعمار جزء من أراضى التاج البريطاني قبل ما تستقل عن بريطانيا سنة 1932. مع أواخر القرن العشرين اتقدمت الهند تقدم معتبر فى الاقتصاد وبقت بتلعب دور سياسى كبير على مستوى منطقتها وعلى مستوى العالم.